Delaré Schoeman, ‘n matrikulant van Hoërskool Cradock, is onlangs gekies vir die o/19 OPP-rugbyspan.  Delaré het ‘n paar tawwe rondes proewe deurgemaak om gekies te word vir hier provinsiale span wat binnekort aan die VKB Toernooi in Reitz gaan deelneem.  Hierdie span sal ook op 16 Julie te staan kom teen die Vrystaat Arende in ‘n wedstryd wat geskeduleer is om in Bloemfontein plaas te vind.

Delaré is ‘n kranige rugbyspeler wat reeds die afgelope twee seisoene sy plek as agtsteman volstaan in CHS se eerste rugbyspan.  Hy is ook in 2018 aangewys as onderkaptein van hierdie span.

CHS wens Delaré geluk met hierdie prestasie en vertrou dat hy die ervaring baie sal geniet.  Sterkte ook met die voorbereiding vir die komende wedstryd.